Ja cili institucion u bë sonte i larmë nga protestuesit (FOTO/VIDEO)
Protestuesit sot nuk patën mundësi t’i afrohen ndërtesës së ish kryeministrit Nikolla Gruevski, por revoltën e kanë shprehur nëpërmes njollosjes së portretit të tij, transmeton Portalb.
Në ditën e 23-të të protestës, organizuar nga Lëvizja #Protestoj, në shënjestër të “Revolucionit laraman” ka qenë objekti i Inspekcionit të tregut.
Lëvizja Civile “#Protestoj” ka parashtruar 8 kërkesa që protestat të ndalen:
- Tërheqjen e menjëhershme të vendimit të presidentit Gjorge Ivanov.
- Të jep dorëheqje Ivanov.
- Gjykata Kushtetuese të deklarohet për kushtetutshmërinë e Prokurorisë Speciale Publike.
- Të formohet një departament special në Gjykatën Penale i cili do të jetë kompetente për lëndët që janë nën kompetencën e PSP-së.
- Tërheqjen e menjëhershme të datës së mbajtjes së zgjedhjeve më 5 qershor.
- Në bisedimet për krizën politike në vend, të kyçet sektori civil.
- Bisedimet për zgjidhjen e krizës të bëhet në territorin e Maqedonisë.
- Formimin e një qeverie kalimtare e cila do t’i implementojë deri në fund reformat urgjente nga raporti i Pribe-së.
“#Protestoj”, ka bërë të ditur se nëse nuk plotësohen këto kërkesa ata do të vazhdojnë me protestat në rrugë, transmeton Portalb.