Shkup, sulmohet fizikisht pronari i portalit “Reporter”

Në mbrëmjen e së mërkurës, rreth orës 23:30, në rrugën “Simeon Kavrakirov” në Shkup, përpara shtëpisë G.N.(48), pronar i internet portalit “Reporter” është sulmuar nga 3 persona të maskuar pa ndonjë arsye paraprake, njofton Portalb.

Personat e maskuar e kanë sulmuar fizikisht, G.N., duke i shkaktuar lëndime në kokë, i cili është dërguar në Spitalin e Qytetit, ndërkaq po merren masa për zbardhjen e identitetit të sulmuesve. /Portalb