Liverpooli dëshiron ta huazojë Shaqirin

Trajneri i Liverpoolit, Brendan Rodgers, ka shprehur interesim për huazimin e mesfushorit të Bayern Muenchenit, kosovarit Xherdan Shaqiri. Lajmi është bërë i ditur të martën nga mediumet angleze. 

Mësohet se Rodgers do të kërkojë huazimin e Shaqirit për pesë muaj dhe do të mundohet t’i bindë krerët e Bayernit ta lirojnë mesfushorin në afatin kalimtar të janarit. “Rodgers kërkon përforcime në krahun e mesfushës dhe Shaqiri është ai që mund ta ndihmojë ekipin për të siguruar kualifikimin në Ligën e Kampionëve për edicionin e ardhshëm”, shkruan “GivemeSport” të martën. 

Shaqiri sapo është kthyer nga lëndimi që pësoi në muajin tetor dhe ka kontratë me Bayernin deri në vitin 2016.