Kisha greke përfshihet nga skandali, prifti vishet si nuse

Ka shkaktuar shqetësim të madh për Kishën greke, një skandal që ka shpërthyer ditët e fundit në shtyp dhe në internet, ku protagonistë janë klerikët priftërinj. 

I pari, ishte botimi i fotos së një kleriku të veshur me një fustan nuseje, i ndjekur nga një tjetër i cili thuhet se bën kërkime në web, i zhveshur para kameras. 

Disa ditë më parë u zbulua një tjetër skandal, ku është përfshirë një prift dhe e dashura e tij. 

Gazeta “Akropolis”, e cila ka botuar skandalin, trasmetojnë mediat greke, thotë se peshkopi në fjalë, ka kontaktuar me autorin e reportazhit dhe e ka paralajmëruar atë se do të vrasë veten, nëse bëhet publik emri i tij. Sipas gazetës, peshkopi konfirmoi vërtetësinë e materialit, që sic tha, është regjistruar nën ushtrimin e dhunës. 

Rastet e para të skandaleve me klerikët grekë, kanë shkaktuar shqetësim të madh, ndërkohë që pritet së shpejti një reagim i Kishës, e cila nuk ka komentuar deri më sot. 

Sipas burimeve të gazetës, vëmendja është tani tek mbledhja e Sinodit të Shenjtë javën e ardhshme, ku zyrtarët e Kishës Ortodokse do të diskutojnë si do t’i trajtojnë këto raste. /BalkanWeb/

Lajme të ngjashme

Back to top button