Vrasësi i Ajetit mund të zbulohet nga Kamerat e sigurisë

Kamera  e sigurisë e cila gjendet para çajtores “ Xhelo” është e mundur që të ndihmoj për identifikimin e vrasësit ose për të ditur se me ç’farë makine ka ardhur dhe ka ikur nga vendi i ngjarjes vrasësi i Xhelal Ajeti, shkruan Dnevnik.

MPB, tani për tani zbulon vetëm se materialet e xhiruara janë studiuar dhe se kanë gjetur diçka që ka ndihmuar hetuesit.

MPB po i shfrytëzon të gjitha materialet e mundshme që do të ndihmojnë në zbardhjen e vrasjes, duke marrë parasysh edhe xhirimet e kamerave të sigurisë, ka deklaruar zëdhënësi i MPB-së Ivo Kotevski.

Policia nuk konfirmon por as nuk  e demanton se vrasësi nga vendi i ngjarjes mund të kishte ikur me makinë.