fbpx

Kur huq “goditja”: Gazetari i njëanshëm, teksti i paplotësuar

[Recension: Drejtori i VMRO-DPMNE-së godet Ermira Mehmetin]

Njëanshmëria nuk është pjesë e gazetarisë dhe e dëmton këtë profesion. Gazetari asnjëherë nuk guxon t’i drejtohet publikut, përderisa favorizon njërën palë, me ose pa dashje. Për lajmin që po recensojmë, nuk kemi fakte të themi se me qëllim është anashkaluar njëra palë ose është injoruar nga lajmi, sidomos pas akuzave, por kemi bazë të themi se nga qëllimi për plasim të lajmit sa më shpejtë, është injoruar njëra palë. Mbase pa dashje, por kjo nuk është arsye.

Nëse njëra palë akuzon, lajmi bëhet pikërisht kur grumbullohen qëndrimet e dy rivaleve. Atëherë ai plotëson standardin gazetaresk, respektivisht përmbushet detyrimi për raportim e balancuar. Kjo, përveç që e bën gazetarin profesional në qasjen e tij, bën që edhe teksti të jetë i plotë, që nuk ka ndodhur në rastin konkret për shkak se nuk është kërkuar pala e dytë.

Drejtori i Arkivit shtetëror, Filip Petrovski, përmes një postimi në Facebook, akuzon ish deputeten e BDI-së, Ermira Mehmetin se nga njëra anë qanë për shkak të audio-incizimeve të publikuara, ndërsa nga ana tjetër vëllau i saj është në rradhët e para të protestave kundër pushtetit.

Drejtori i VMRO DPMNE së godet Ermira Mehmetin screenshotLinku deri te artikulli origjinal: Drejtori i VMRO-DPMNE-së godet Ermira Mehmetin”
Data dhe koha e publikimit: 29.04.2016
Data e recensionit: 30.04.2016
Recensues: Adrian Kerimi

Deklarata e drejtorit në fjalë, cenon liritë dhe të drejtat e njeriut. Çdo individ ka të drejtën e tij dhe bindjet e tij, andaj gazetari është dashur të kërkojë qëndrim edhe nga drejtori dhe të pyes se mbi çfarë baze dhe me çfarë të drejtë akuzon një person për shkak se se vëllai i tij ose saj merr pjesë në protesta, duke e ndërlidhur atë me çështje krejtësisht tjera. Faji në këtë rast edhe i drejtorit i cili shkel të drejtat e një personi, por edhe i gazetarit, i cili është garantuesi më i fortë i lirive dhe të drejtave të njeriut. Në këtë rast, lajmi duhet të jetë që drejtori me akuza të tilla shkel liritë dhe të drejtat, e jo se akuzon një (ish)deputete.

“Ermira qanë për incizimet të cilët ia ka lëshuar Zaev, ndërsa vëllau i saj gjendet në rradhët e para në protestat me Petritin dhe Vasilin. Cilën e ngjyrosni ju?”, ka shkruar në rrjetin e tij social në Facebook, Filip Petrovski.

Pikërisht pas kësaj qasjeje të gazetarit do të duhej qëndrimi i Ermira Mehmetit, si e akuzuar në këtë rast pa bazë, për të plotësuar lajmin. Mehmeti nuk është përgjegjëse dhe garantuese për bindjet e të vëllait. Këtë duhet ta kuptojë edhe gazetari edhe publiku, si dhe çdo individ tjetër.

Kodi Etik i gazetarëve përcakton qartë se cili është roli i gazetarit në informim, pikërisht në pjesën e informimit të balancuar si normë bazë e gazetarisë profesionale. “Gazetari duhet të sigurojë “palën e dytë”, respektivisht t’u jep mundësi të dy palëve të interesuara të produktit gazetaresk ta shprehin qëndrimin e tyre. Kjo edhe më tepër vjen në shprehje kur gazetari shpreh dyshime ose akuza ose kur dikush është objekt i sulmit apo kritikës”, thuhet në Kodin etik të gazetarëve.

 

Ky recension është përgatitur nga kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close