Komuna e Prishtinës fiton çmim për shërbimet publike
Komuna e Prishtinës ka fituar një çmim për shërbimet publike nga “Albanian ICT Awards”, në Tiranë, njofton Klan Kosova.
Çmimi ka të bëjë me të arritura në teknologjinë informative dhe kompjuterike dhe Komuna e Prishtinës fitoi çmimin e parë për implementimin e E-Kioskut, shërbim digjital për nxjerrjen e dokumenteve personale.
Në emër të Komunës së Prishtinës, këtë çmim e pranoi Muhedin Nushi, Drejtor i Administratës Publike në Komunën e Prishtinës, i cili njëherësh është edhe ideatori i E-Kioskut.