Server: Serbia s’mund të jetë në BE pa njohjen e Kosovës
Nuk mund të ndodhë anëtarësimi i Serbisë në BE pa njohjen e Kosovës. Kjo u theksua nga eksperti për Ballkanin, Daniel Server në një intervistë për Radion Evropa e Lirë.
Sipas tij, pa zgjidhjen e të gjitha çështjeve serioze nuk ka mënyrë tjetër që Serbia të bëhet pjesë e familjes evropiane. Duke komentuar zgjedhjet parlamentare në Serbi, Server thotë se Vuçiq ka fituar mbështetje për shkak të politikës së tij pro- evropiane.
E sa i përket rolit të Rusisë në Ballkan, ai nuk mendon se Kremlini do të mund të luajë rol serioz në rajonin e Ballkanit.