Lugina ndërron klasën politike

Fati që kishte ndjekur gjashtë vjet më parë Riza Halimin, duke mbetur në opozitë edhe pse kishte fituar zgjedhjet lokale, po pritet ta ndjekë edhe Ragmi Mustafën, kryetar i PDSH-së në Preshevë.

Ky i fundit do të mbetet në opozitë, pasi Alternativa për Ndryshim siç ka marrë vesh “Zëri” do të lidhë koalicion me Partinë për Veprim Demokratik, për të lënë në opozitë partinë e Ragmi Mustafës.

Subjekti i këtij të fundit ka fituar 5521 vota, duke lënë mbrapa Alternativën me një diferencë të ngushtë prej vetëm 946 votash, apo me gjithsej 4575 vota.

Por, sipas burimeve të gazetës “Zëri”, është partia e tretë – PVD, me gjithsej 4088 vota, ajo që nuk do të lidhë kurrsesi koalicion me PDSH-në e Mustafës, duke e lënë atë në opozitë.

PVD: Përveç me Partinë Demokratike Shqiptare (PDSH), jemi të hapur për koalicione

Ardita Sinani, kryetare e degës së PVD-së për Preshevë, ka thënë për “Zërin” se përveç me Partinë Demokratike Shqiptare (PDSH) me subjektet tjera janë të hapur për koalicione.

“Ende nuk e kemi mbajtur mbledhjen e kryesisë dhe nuk kemi biseduar në lidhje me këtë çështje me asnjë subjekt. Nuk kemi marrë as sinjale nga partitë tjera. Por, do të jemi të hapur për të gjithë, përveç PDSH-së”, ka thënë Latifi.

Lajme të ngjashme

Leave a Reply

Your email address will not be published. Required fields are marked *

Back to top button