Fëmija 1 vjeç torturohet në çerdhe : Mamaja kam kërkuar të shikoj kamerat e sigurisë, nuk më lejojnë (Foto)

Një mama dje ka kaluar një situatë shumë të vështirë. Ajo çoi të bijën e saj 1-vjeçare për dy orë në çerdhen publike të Pejës “Pëllumbat e Paqes” dhe çfarë pa në trupin e së bijës ishte e tmerrshme, shkruan ShqiperiaIme.al.

Mund t’i shikoni në foto shenjat në trupin e këtij fëmijë. Nëna Elvira Jahaj ka kontaktuar menjëherë drejtoreshën e çerdhes, ka dërguar fëmijën e saj në spital dhe kërkon një sqarim të plotë së çfarë i kanë bërë të bijës për vetëm dy orë. Gjithashtu mamaja e vajzës nuk përjashton asnjë rast.

“Kjo ka qenë dita e parë që e kam çuar vajzën në atë çerdhe. Nuk ka qëndruar as dy orë të plota dhe i ka ndodhur kjo. Më kanë thirrur nga çerdhja, duke thënë se vajza po qan. Kam shkuar për ta marrë dhe vetëm kur kam shkuar në shtëpi e pashë trupin e saj. Jam tmerruar në atë moment. I kam telefonuar drejtoreshës së çerdhes për të biseduar me të, por nga ajo s’kam marrë asnjë sqarim”, tha Elvira.

Gjithashtu mamaja e vajzës shtoi se ka kërkuar kamerat e sigurisë së çerdhes, po asnjë nuk ia tregon. Nga ana tjetër drejtoresha e çerdhes “Pëllumbat e Paqes’, Rezmie Bujupi ka pranuar se kjo ngjarje ka ndodhur në çerdhen e saj, por nuk mendon se duhet bërë kaq e madhe.

Ndër të tjera drejtoresha dhe tha se nuk ka vend për të dyshuar se fëmija është bërë ashtu nga edukatoret, por ndaj tyre do të merren masa për pakujdesi.