Teuta Arifi takohet me kryetarin e Komunës së Preshevës Ragmi Mustafa
Në zyrën e saj kryetarja e Komunës së Tetovës, Teuta Arifi priti në takim kryetarin ë Komunës së Preshevës Ragmi Mustafa së bashku më përfaqësuesit e Klubit të Matematicientëve të Tetovës “Paskal”.
Qëllimi i këtij takimi ishte ndarja e një mirënjohjeje nga Komuna e Preshevës, familjes së të ndjerit, profesor Abdyl Baki Bajramit. Kjo mirënjohje e nderon në veçanti Komunën e Tetovës nga që i dedikohet një njeriu kolos të arsimit, tejet i çmuar dhe i respektuar .
Profesor Bakiu shquhet si një ndër pedagogët më të zellshëm të Gjimnazit të Tetovës i cili u njoh për nga përkushtimi i thellë që kishte ndaj profesionit të tij.
Ky intelektual i madh ishte edhe nismëtar i shumë aktiviteteve jashtëshkollore që kishin të bënin më edukimin, emancipimin dhe ngritjen kulturore, veçmas të brezit të ri.
Komuna e Tetovës është e përkushtuar që ta mbështes vazhdimësinë e shumë aktiviteteve, sidomos në sferën e arsimit, për nismën e të cilave ky pishtarë i dijes dha kontributin e tij të jashtëzakonshëm.