Greqi, nazistët e rinj i shpallin “luftë” islamit
Qindra anëtarë dhe simpatizantë të partisë neonaziste greke `Agimi i Artë`, kanë protestuar dje në mbrëmje kundër ndërtimit të xhamisë së parë zyrtare në Athinë, njoftojnë mediat greke.
Duke thërritur “Greqia i përket grekëve” dhe “Jo xhami në Athinë”, mbi 700 manifestues janë mbledhur në qendër të Athinës pranë vendit ku do të ndërtohet xhamia e ardhshme.
Përkrahësit e partisë së ekstremit të djathtë kanë brohoritur parrudha kundër Qemal Ataturkut, themeluesit t ë Turqisë moderne.
Xhamia do të ndërtohet 13 vjet pas planit, i cili ishte penguar e anuluar nga ekstremistët dhe të krishterët ortodoksë fanatikë.
Komuniteti mysliman në Athinë gjithnjë e në rritje ka përdorur deri më tani ambiente të improvizuara dhe apartamente për kryerjen e riteve të tyre.
Xhamisë do t’i mungojë minarja si një përpjekje për të minimizuar reagimet në mesin e popullatës kryesisht të krishterë, transmeton gazeta Start.
Deputetja Eleni Zarulia, bashkëshortja e themeluesit të lëvizjes dhe drejtues i Agimit të Artë, Nikos Mihaloliako, dhe tre deputetë të tjerë të zgjedhur nga partia kanë marrë pjesë në manifestim.
Në nëntor, ministri i Infrastrukturës kishte deklaruar se ndërtimi i xhamisë në Athinë, një projekt që diskutohet prej vitesh, i është dhënë një firme greke.
Athina është një nga të paktat kryeqytete evropiane që ende nuk ka një xhami zyrtare, por me ardhjen e shumë emigrantëve nga Pakistani dhe nga vendet e tjera myslimane, shumë xhami jozyrtare janë hapur nëpër zona larg qendrës së Athinës.
Qeveria ishte kundër adaptimit, në vitin 2011, të një ligji mbi ndërtimin e një xhamie, deri në vitin 2013.
Të vetmet xhami zyrtare në Greqi janë të vendosura në Thraki, ku jeton një minoritet mysliman me origjinë turke.