Fermerët e Lushnjës mbjellin kungull, por u del kastravec

Fermerët e Lushnjës pësojnë një dëm të madh ekonomik. Shqetësimin e ka ngritur sot deputeti Erion Braçe në mbledhjen grupit parlamentar të Partisë Socialiste, transmeton “Shqipëria ime”.

Braçe bëri të ditur se fermerët e zonës së tij kanë blerë dhe mbjellë fara kungulli, që më pas kanë rezultuar kastravecë.

Kjo deklaratë ka kaluar me batuta e buzëqeshje mes deputetëve socialistë.

Ndërkohë, fermerët e Lushnjës tashmë në nisje të sezonit bujqësor po përballen edhe më dëmtime të tjera të të mbjellave në sera, sidomos në domate dhe trangull. Rreth 20 për qind e të mbjellave në sera janë dëmtuar nga sëmundja e kalbëzimit.