Arifi dhe Izairi nënshkruan marrëveshje për rregullimin e shtratit të lumit Reçicë

Ministri i Mjedisit Jetësor dhe Planifikimit Hapësinor Nurhan Izairi dhe kryetarja e komunës së Tetovës Teuta Arifi, sot, në Tetovë nënshkruan marrëveshje për financimin e projektit për Realizimin e punëve ndërtimore në përputhje me projektin kryesor për rregullimin e shtratit të lumit Reçicë.

Për intervenimin e rregullimit të shtratit të lumit në Reçicë të Madhe nga buxheti i ministrisë janë siguruar 5,5 milionë denarë- theksoi ministri Izairi, duke potencuar se ky aktivitet është pjesë e Planit aksional për ballafaqimin e përmbytjeve  në Tetovë që është në fazën përfundimtare dhe se me të cilin midis tjerash parashikohet rregullimi i shtratit të lumit Pena (Shkumbin) dhe sanimi i digave.

Me mbështjetjen nga USAID-i, duhet  të fillojnë punët e shtratit të lumit në Dobroshtë, si dhe intervenimet projektuese për parandalimin e përmbytjeve të mundshme të ardhshme në f. Shipkovicë.

Kryetarja e komunës së Tetovës Arifi, i shprehi falënderim Ministrisë për mbështetjen e sajë në financimin e disa intervenime infrastrukturore në Tetovë, veçanërisht duke theksuar ndërtimin e sistemit të ri për furnizimin e qytetit me ujë të pastër dhe të shëndetshëm, që është në fazën përfundimtare.