Të rinjtë trajnohen, si të gjejnë më lehtë punë

Në Qendrën për punësim të Qytetit të Shkupit sot sërish është hapur Klubi Punues, në kuadër të projektit të USAID “Rrjeti rinor për zhvillimin e shkathtësive për punësim”.

Qëllimi i  klubit është që t’ju ndihmohet të rinjve të papunësuar nga mosha 15 deri 29, të paraqitur si kërkues aktiv për punë në Agjencionin për punësim, të zhvillojnë shkathtësitë për punësim.

Në hapjen e klubit morën pjesë ministri për punë dhe politikë sociale Dime Spasov, drejtorët e Agjencionit për punësim Vllatko Popovski dhe të Misionit të USAID Xhejms Stajn dhe udhëheqësi i Qendrës për punësim në Qytetin e Shkupit Sllobodanka Alleksovska.

Programi “Rrjeti rinor për zhvillimin e shkathtësive për punësim” siç sqaroi Stajn, përfshin më shumë tema, ndër të cilat shkathtësitë komunikatave dhe udhëheqëse, puna në grupe, mënyra e kërkesës për punë, zhvillim personal për sjellje në vendin e punës dhe shkathtësi financiare.

Ka një hendek të madh në mes të aftësive që kanë punëtorët dhe atyre që janë të nevojshme për tregun e punës. Në qoftë se ne duam të zvogëlojë në mënyrë efektive normën e papunësisë në Maqedoni, ne duhet të zvogëlojë hendekun, tha Stein.

“Rrjeti rinor për zhvillimin e shkathtësive për punësim apo “JES rrjeti” është projekt i USAID që tre vite implementohet në Maqedoni. Punohet me komunat, organizatat jo-qeveritare dhe shkollat e mesme drejt zhvillimit të shkathtësive për punësim të të rinjve dhe këshilla karriere. Në Tetovë janë mbajtur 11 trajnime me rreth 200 të ri. Prej tyre deri më tani kanë gjetur punë rreth 18 persona nëpër kompani të ndryshme, ndërsa ka edhe praktikant “tha Valon Sadiki, koordinator regjional për Shkup, Tetovë dhe Gostivar.

Trajnuesit dhe pjesëmarrësit që kaluan me sukses trajnimin kanë marr certifikata.