Me të gjitha forcat kundër Vanhautes!
[Recension: Përgjigje e ashpër ndaj provokimeve të Vanhautes: Prej lehtësuesit të mëparshëm, në njeri që leh dhe askush nuk e kupton seriozisht]
Teksti që i nënshtrohet këtij recensioni ësht ofendues dhe përmban gjuhë përplot me urrejtje ndaj lehtësuesit belg, Piter Vanhaute. Duke u mbështetur vetëm në komente nga qytetarët, të cilët, gjoja, kanë qenë të revoltuar nga sjellja e Vanhatues, artikulli ka për qëllim të diskreditojë punën e ndërmjetësuesit. Në të aspak nuk ka arsyetim se për cilat provokime të Vanhautes qytetarët, gjoja, reagojnë, siç është theksuar në titull.
Linku deri te artikulli origjinal: Përgjigje e ashpër ndaj provokimeve të Vanhautes: Prej lehtësuesit të mëparshëm, në njeri që leh dhe askush nuk e kupton seriozisht
Data dhe koha e publikimit: 11.03.2015
Data e recensionit: 15.03.2015
Recensuese: Silvana Zhezhova
TEKST PËRPLOT ME URREJTJE
Gjatë shkrimit të tekstit gazetaresk njëra nga detyrat e gazetarit është të dijë se në cilat burime të mbështetet, sa janë ato relevante, çfarë është përmbajtja që e citon. Dhe në qoftë se, me të vërtetë bëhet fjalë për komente të qytetarëve, është e palejueshme të transmetohen qëndrime në të cilat ka gjuhë të urrejtjes dhe të cila pa bazë dhe pa fakte përpiqen ta dëmtojnë autoritetin e një njeriut, në këtë rast të një politikani që vjen nga një vend tjetër. Nuk është aspak etike, as profesionale, që sjellja e një njeriu të krahasohet me sjelljen e një kafshe.
Van Hojte prej lehtësuesit të mëparshëm të bashkësisë ndërkombëtare tani u shndërrua në një qen rrugësh. Ecën nëpër rrugët e Shkupit dhe leh kundër VMRO-së. Sikurse edhe çdo qeni rruge, askush nuk i frikësohet dhe askush nuk e kupton seriozisht, e as që i përgjigjet lehjes së tij të kotë
Pastaj në tekst jepet një koment me të cilin mbrohet qëndrimi i këtillë i qytetarëve dhe me të cilin mbështetet një palë.
Qytetarëve u ka ardhur në majë të hundës nga diskreditimet, ofendimi dhe nënçmimi i këtij njeriu. Prandaj, ata me ashpërsi e porosisin që t’u japë fund gënjeshtrave dhe ta ndryshojë sjelljen e tij për shkak se është i padëshiruar.
FJALOR I PAHIJSHËM
Pa fakte dhe pa argumente për punën e lehtësuesit belg Vanhaute, ky publikim është tregim i stili “më the-të thash”, i shkruar me një fjalor jashtëzakonisht të pahijshëm, i cili kufizohet me primitivizëm. Në të, fare nuk janë respektuar standardet e gazetarisë së drejtë еtike, me ç’rast janë shkelur disa dispozita të Kodit të gazetarëve, në mesin e të cilave nenet 10 dhe 15:
Gazetari nuk do të krijojë e as nuk do të përpunojë me vetëdije informata, të cilat i kërcënojnë të drejtat ose liritë e njeriut, nuk do të flasë me gjuhën e urrejtjes dhe nuk do të nxisë dhunë ose diskriminim mbi çfarëdo lloj baze (kombëtare, fetare, racore, gjinore, shoqërore, gjuhësore, politike, të orientimit seksual…). (neni 10)
Gazetari duhet ta kultivojë kulturën e të folurit dhe etikën.
Komunikimi i pasjellshëm me opinionin nuk ka të bëjë aspak me profesionin e gazetarit. (neni 15)