ITSHKSH: Ligjeratë nga Haki Kasumi për çështjen e të pagjeturve
Në Institutin e Trashëgimisë Shpirtërore e Kulturore të Shqiptarëve në Shkup, të premten, më 18.03.2016, me fillim në orën 13:00, do të mbahet një ligjeratë nga Prof.dr.Haki Kasumi, historian dhe kryetar i Këshillit Koordinues të Asociacioneve të Familjarëve të Personave të Zhdukur në Kosovë gjatë luftës së fundit.
Tema e ligjeratës është “Të pagjeturit – një dhimbje e madhe për Kosovën dhe njerëzimin”.
Ligjerata zhvillohet në vazhdën e sensibilizimit të opinionit publik me këtë çështje shumë të ndjeshme, në prag të përgatitjeve për shënimin e Ditës ndërkombëtare të personave të pagjetur.
Mbi 1,700 njerëz, kryesisht shqiptarë, llogariten si të zhdukur nga lufta e viteve 1998-1999 në Kosovë.