Kampioni i lojës Go mund kompjuterin
Kampioni botëror i lojës Go, e rifitoi sot reputacionin e tij, me fitoren e pare ndaj programit të zgjuarsisë artificiale të Google, pas tre humbjesh radhaz.
Mjeshtri i madh koreanojugor Lee Sedol e mundi programin AlphaGo sot në Seul në lojën e katërt në serinë e pesë më të mirave të lojës së vjetër kineze. Programi kompjuterik mori çmimin 1 milionë dollarësh pasi Lee humbi lojën e tretë dje.
33 vjeçari Lee që ka fituar 18 tituj ndërkombëtare për lojën Go, u përshëndet me duartrokitje të forta kur arriti në konferencën e shtypit pas fitores. Ishte një ndryshi atmosfere në krahasim me një ditë më parë kur ai kërkoi falje “për prezantimin e tij të dobët” dhe e pranoi se e kishte “nënvleftësuar” aftësinë e programit kompjuterik.
