Edhe Nisma braktisi Kuvendin
Pas AAK-së edhe partia tjetër opozitare Nisma, do t’i braktisë seancat e Kuvendit të Kosovës duke e lënë të vetme Vetëvendosjen e cila nuk heqë dorë nga qëndrimi i saj për të mos braktisur Kuvendin.
Për braktisjen e Kuvendit nga Nisma, ka bërë të ditur deputeti i kësaj partie, Zafir Berisha, i cili ka thënë se nuk “ia vlen me u rikthye në këtë parlament”.
“Nuk ja vlen me u rikthye në një parlament që i shërben një qeverise antikushtetuese. Nuk ja vlen me i shërbye një bande mafioze të Hashim Thaçit dhe Isa Mustafës”, tha Berisha, njofton Lajmi.net.
I pari braktisjen e seancave të Kuvendit të Kosovës e filloi lideri i AAK-së, Ramush Haradinaj, të cilin e pasuan deputetët e partisë së tij dhe tanimë një hap të tillë duket se kanë vendosur ta marrin edhe partia e Fatmir Limajt.
