Policia në Batincë e ka bastisur shtëpinë e Munir Pepiqit me urdhër të PSP-së?
Përfaqësuesit e njësitit special “Alfa” sot në mëngjes në fshatin Batincë të Shkupit e kanë bastisur shtëpinë e Munir Pepiqit, i punësuar në stacionin policor “Be-ko”, me urdhër të Prokurorisë Speciale, mëson TV21, transmeton Portalb.
Nga Prokuroria Speciale e kanë konfirmuar lajmin se në shtëpinë e njërit nga të dyshuarit për rastin “Titanik” është kryer bastisje, nga atje kanë shtuar se nuk ka persona të arrestuar, por nuk njoftojnë se çfarë është gjetur në shtëpinë e të dyshuarit.
Përndryshe, personi Munir Pepiq është përmendur edhe në të ashtuquajturat “bombat” e liderit të opozitës ku një bashkëbisedues me ish ministrin e Transportit dhe Lidhjeve, Mile Janakieski thonë se personi në fjalë është ai që i bën letërnjoftimet, transmeton Portalb.
Biseda mes Mile Janakieskit dhe bashkëbiseduesit
Bashkëbiseduesi: Ej Mile.
M.J: Nga e ke atë informatë?
Bashkëbiseduesi: A?
MJ: Nga e ke atë informatë?
Bashkëbiseduesi: Pepiç be, ky çka bën letërnjoftime
MJ: Prej nga e ka informatën ai?
Bashkëbiseduesi: Tani do ta pyes nga e ka. Në Çarshi punojnë, kanë dyqan.
MJ: Hajt çao.
