Llogaria e RTVM vazhdon të jetë e ngrirë
Llogaria e servisit publik Radiotelevizionit të Maqedonisë po vazhdon të jetë e bllokuar dhe nuk ka asnjë vendim të ri, edhe pas rekomandimit të Qeverisë që të bëhet zhbllokimi i saj dhe të paguhet borxhi përmes kësteve.
Edhe Qeveria nuk ka dhënë detaje pas vendimit të saj që i rekomandon Drejtorisë së të Hyrave Publike që të zhbllokojë llogarinë bankare. Kjo situatë do të mund të rrezikoj funksionimin normal të servisit publik. Drejtori i RTVM theksoi se po bëhet llogaritja e borxhit total dhe më pas do të dalin me hollësi të reja.
