Ahmeti përpara Prokurorisë Speciale si dëshmitar për rastin “Kosmos”

Kryetari i Bashkimit Demokratik për Integrim, Ali Ahmeti, sot është thirrur në bisedë në Prokurorinë Speciale për rastin “Kosmos”, në cilësinë e dëshmitarit, transmeton Portalb.

Lajmin në fjalë e ka konfirmuar Prokuroria Speciale për “Tv Telma“, por për shkak se lënda është në procedurë parahetimore nuk mund ta konfirmojnë se për cilën lëndë është thirrur.

Shefi i Kabinetit të Ali Ahmetit, Artan Grubi, ditë më parë, në profilin e tij zyrtar në Facebook e ka komentuar rasti në fjalë.

“Kryetari Ali Ahmeti dhe Bashkimi Demokratik për Integrim janë mbështetës të fuqishëm të punës ligjore, transparente, të paanshme dhe pa paragjykime etnike, fetare, partiake apo politike të Prokurorisë Speciale. Javën e kaluar, Kryetari Ahmeti ka pranuar ftesë në cilësinë e dëshmitarit në rastin Kosmos nga ana e Prokurorisë Speciale dhe pa dyshim ai do të respekton obligimin e tij qytetar në përkrahje të institucioneve të pavarura”, shkruan Grubi

Përndryshe, para 6 viteve, pushteti afaristit Fiat Canvoskit ia ka prishur ndërtesën. Sipas pushtetit, Inspektorati i ndërtimit ka përcaktuar se objekti i ndërtuar ka qenë një metër e gjysmë më i lartë nga parashikimi i projektit.

Para rreth 2 muajve në një intervistë për TV Nova, Canovski ka folur për trysnitë politike ndaj biznesit të tij, për hedhjen poshtë të ankesave për shembjen e objektit në Gazi Babë, për ankesën në Strasburg dhe pritjet e tij nga Prokurorisë Speciale e cila u shpall kompetente edhe për rastin “Kosmos”, transmeton Portalb.

Për më shumë dëgjojeni intervistën në videon e mëposhtme:

Lideri i LSDM-së, Zoran Zaev në mars të vitit 2015, gjegjësisht në të ashtuquajturën “Bombën e 13” apo materialin e përgjuar, ka lëshuar një bisedë për të cilën thotë se Gruevski duke biseduar me Janakievskin pranon se e ka gënjyer pronarin e kompleksit të rrënuar “Kosmos”, Fijat Canovski, lidhur me dokumentacionin e këtij kompleksi, transmeton Portalb.

“Më erdhi këtu, asnjëherë nuk e kam parë më të frikësuar. Asnjëherë nuk kam parë dikë aq të frikësuar. Më tha se do ta sjellë Velinë (ramkovskin) që të merremi vesh. I thash se do të mendoj dhe do ta thërras sonte. Më tha : ‘Të lutem më thirr sonte, se nesër fillon ramazani, dua ta pres i qetë”, dëgjohet duke thënë zëri për të cilin LSDM thotë se është i Gruevskit. Ai gjatë tërë kohës qeshet me zë lidhur me frikën që e ka vërejtur te Canovski.

“I thash se ka gabime. Ai pranoi se ka gabime, e lëshova në ujë pak..”, dëgjohet të ketë thënë Gruevski, për më shumë dëgjojeni inçizimin telefonik të mëposhtëm. /Portalb