“Turp” i madh për konstruksionin e madh
[Recension: TURP: Nënkryetarja e mëparshme e KBM-së nuk e dënoi sulmin ndaj Todor Petrovit]
Tekst tendencioz dhe i njëanshëm që ka për qëllim ta diskreditojë ministreshën për punë dhe politikë sociale, Frosina Remenski. Kjo (dez)informatë e shkurtër me vetëm tre fjali është marrë nga një portal tjetër, mirëpo pa e vënë linkun përkatës.
Linku deri te artikulli origjinal: TURP: Nënkryetarja e mëparshme e KBM-së nuk e dënoi sulmin ndaj Todor Petrovit
Data dhe koha e publikimit: 28.02.2016, 14:54
Data e recensionit: 01.03.2016
Recensues: Vllado Gjorçev
VETËM PËR TA NJOLLOSUR REMENSKIN
Në këtë publikim thuhet se Remenski ka qenë nënkryetare e Kongresit botëror maqedonas (KBM), mirëpo për këtë nuk ofron asnjë dëshmi. Ndoshta ajo me të vërtetë ka qenë në udhëheqësinë e KBM-së, mirëpo artikulli duhet të ofrojë dëshmi kredibile që lexuesit të besojnë në këtë. Ne për shembull, duke kërkuar në “Google”, nuk gjetëm asnjë informatë se Remenski ka qenë anëtare e KBM-së, përveç teksteve ku thuhet se ajo ka qenë pjesë e kësaj organizate.
“Frosina Remenski nga LSDM-ja nuk e dënoi sulmin që ndodhi dje kur disa persona të dhunshëm e rrahën Petrovin, shkruan Kuriri.”
Parashtrohet pyetja: Pse Remenski duhet ta dënojë sulmin mbi Todor Petrovin?
Ministria që e udhëheq ajo (Ministria për Punë dhe Politikë Sociale),nuk ka asnjë kompetencë për parandalimin (zgjidhjen) e dhunës, rrahjeve ose zbulimin e të vërtetës.
Nëse aludohet në atë se ajo, gjoja, ndonjëherë ka enë nënkryetare e KBM-së, tashmë tham, kjo nuk është konfirmuar. Partia në të cilën Remenski është nënkryetare dërgoi komunikatë, ku e dënoi këtë incident:
“Me sjelljen e këtillë të papërgjegjshme, VMROD-PMNE-ja dhe BDI-ja i bëjnë dëm Republikës së Maqedonisë. Nuk kalojnë skenaret e tejdukshme. Qytetarët janë të bashkur në luftën kundër korrupsionit, krimit, janë të bashkuar në dëshirën për ndryshime, për kthimin e lirisë, demokracisë dhe vlerave evropiane në Republikën e Maqedonisë. LSDM-ja e dënon çdo veprim të dhunshëm”, thuhet në komunikatë.
Kështu që, është e qartë se dikush me çdo kusht ka dashur të shohë “turp të madh”, e nëse ka nevojë edhe ta trillojë, për nevojat e një konstruksioni, si ky që e kemi para nesh.
