BE-ja dhe SHBA-ja do ta japin vlerësimin për zgjedhjet
Vlerësimi i BE-së dhe SHBA-së për atë nëse ka kushte për mbajtjen e zgjedhjeve kredibile më 24 prill do të kumtohet sot, pasdite.
Euroambasadori Aivo Orav, gjatë kësaj jave duke u përgjigjur në pyetjet e gazetarëve deklaroi se vlerësimi ende është në përgatitje.
“Nga njëra anë 24 prilli është pjesë e marrëveshjes si ditë për zgjedhje të parakohshme, por nga ana tjetër ka shumë vonesa në implementimin e marëveshjes së Përzhinos”, tha euroambasadori Orav.
Ai përkujtoi se e vlerësojnë gjendjen në tre sfera për përgatitjen për zgjedhjet dhe atë KSHZ dhe Lista zgjedhore, lidhur me personelin e KSHZ-së dhe revizionin e Listës zgjedhore, së dyti mediumet-raportimi i balancuar dhe marrëveshja e katër partive për mediumet, ndarja ndërmjet shtetit dhe partive, si dhe presionet dhe kërcënimet.
