Ministri Ademi për vizitë në Sh.F “ Bratstvo – Migjeni”
Ministri i Arsimit dhe Shkencës, Abdilaqim Ademi, sot vizitoi shkollën fillore “Bratstvo – Migjeni” në Komunën e Tetovës, ku punohet në rekonstruktimin e objektit shkollor.
Sot jemi këtu, të bëjmë mbikëqyrjen e aktiviteteve për renovimin e shkollës fillore Bratstvo – Migjeni” në Komunën e Tetovës. Investimi i Ministrisë së Arsimit dhe Shkencës është rreth 200 mijë euro.
“Komuna e Tetovës objektin shkollor e pajisi me mobilje. Me këtë rikonstruktim janë renovuar të gjitha tualetet, ndërsa në vazhdim është renovimi i dyshemeve në shkollë”, theksoi Ademi duke shtuar se deri në fund të javës së ardhshme pritet të përfundojë rikonstruktimi i shkollës.
