Siri, pas sulmeve ruse ndaj spitalit nxirren 11 trupa të pajetë

Pas sulmit të djeshëm të avionëve rusë mbi spitalin në Idlib të Sirisë, nga rrënojat u nxorrën 11 trupa të pajetë, ka konfirmuar për Anadolu Agency (AA), zëdhënësja e Mjekëve pa Kufij të Turqisë.

Sipas saj, ende po vazhdojnë operacionet e kërkim -shpëtimit nga rrënojat e spitalit. Ozturk kujtoi se spitali Maret al-Numan u bombarduan dje në mëngjes.

“Kemi frikë se numri i të vdekurve mund të rritet”, tha Ozturk.

Në spital në kohën e sulmit ndodheshin 25 punonjës të shëndetësisë. Nga ky numër, 15 u shpëtuan pa lëndime, ndërsa tre të tjerë u plagosën.

“Deri tani kemi gjetur pesë trupa të punonjësve të shëndetësisë, pesë pacientë dhe trupin e një punonjësi të stafit. Ne do të vazhdojmë me veprimet e kërkim-shpëtimit. Nuk dihet se sa pacientë ishin në spital gjatë sulmit”, shpjegoi Ozturk.

Që nga fillimi i këtij viti janë kryer 17 sulme ndaj spitaleve në Siri.