RDK: Kryefjala e zhvillimit të vendit është sundimi i ligjit
“Rilindja Demokratike Kombëtare në kontinuitet ka mbajtur qëndrim të fuqishëm se asnjë person ose grupacion nuk do të mund të strehohet nën ombrellën e logos partiake, pavarësisht se a bëhet fjalë për një llogo partiake apo bashkëpunim i shumë logove partiake, dhe kjo u dëshmua edhe njëherë nga veprimet e fundit të Prokurorisë speciale, edhe pse shumë njerëz brenda dhe jashtë dyshonin se ky institucion do të ketë guxim të ndërmarr veprime të tilla. Nëse dikujt këto veprime i dukej të paimagjinueshme dhe se mund të shihen vetëm në filma, tani ju themi se filmi sapo ka filluar”, thuhet në kumtesën e RDK-së…
Nga atje shtojnë se Rilindja Demokratike Kombëtare ka theksuar se kryefjala e zhvillimit të vendit drejt strukturave euroatlantike është sundimi i ligjit dhe fuqizimi i institucioneve.
“Zhvillimet e fundit nga ana e institucionit të ri të Prokurorisë Speciale argumentojnë fuqishëm qëndrimin konsistent të RDK-së se sundimi i ligjit do të arrij te çdo individ apo grupacion që ka guxuar të cenoj dhe dobësoj në maksimum institucionet e vendit. Institucionet e vendit janë cenuar aq rëndë nga forcat destruktive për një periudhë të gjatë kohore, saqë kërkohet një punë e jashtëzakonshme e të gjithë forcave progresive në vend që të sjell një ekuilibër në rikthimin e sundimit të ligjit”, shtojnë nga RDK.
