Sot nënshkruhet kodi për raportimin etik të zgjedhjeve

Komisioni i Etikës në Mediumet e Maqedonisë – KEMM, sot në ora 12 në hapësirat e Info qendrës së BE-së në Shkup, do të organizojë ngjarje në të cilën do të nënshkruhet kodi për raportimin etik të zgjedhjeve. Nënshkrim do të vendosin mediumet që e kanë pranuar përmbajtjen e tyre dhe nëpërmjet saj merren me afirmimin e raportimit etik dhe profesional. Në mesin e nënshkruesve të këtij kodi do të jetë edhe redaksia e lajmeve Portalb.

Në ngjarje përveç mediumeve do të marrin pjesë edhe përfaqësues të bashkësisë ndërkombëtare. /Portalb