Avioni i Donald Trump bëri aterim të detyrueshëm
Avioni i Donald Trump, të cilin e përdorë në fushatën për kandidatit presidencial të Partisë Republikane, u detyrua të aterojë në Nashville, pas një problemi në motor, raporton Anadolu Agency (AA).
Trump ishte duke udhëtuar në një tubim në Little Rock në Arkansas, kur Boeing 757 u detyrua të bëjë aterim të paplanifikuar në aeroportin ndërkombëtar në Nashville. Zëdhënësja e tij para mediave amerikane u shpreh se Trump vazhdoi udhëtimin me avion të huazuar.
Trump duhej të drejtohej në “Barton Coliseum” në Little Rock para më shumë se 11 mijë e 500 përkrahësve të tij.
Ai mbërriti një orë e gjysmë me vonesë, duke u shpjeguar të pranishmëve se çfarë ka ndodhur. Ai theksoi se pa marrë parasysh gjitha rrethanat, aspak nuk ka menduar të heqë dorë nga ardhja në Little Rock. Administrata Federale e Aviacionit (FAA) është duke hetuar tërë ngjarjen.
