Tetovë, filloi rrënimi i kioskave (Foto)
Më në fund u rrënua kioska e parë në vendin ku është paraparë të ndërtohet Teatri dhe Biblioteka e qytetit të Tetovës.
Portalb, ishte në vendin e ngjarjes të hënën për t’i parë nga afër punët të cilët pritet të vazhdojnë ditët e ardhshme deri në rrënimin e të gjithë kioskave që janë rreth themelit të objektit në fjalë.
Lidhur me këtë ne sërish biseduam me drejtorin e Qendrës për Kulturë, Haki Fazliun.
“Kanë filluar të rrënohen kioskat. Ditët në vazhdim do të rrënohen të gjitha”, u shpreh shkurt Fazliu.
Ndërsa punët tjera pritet të fillojnë pas rrënimin të kioskave.
Ndryshe, themelet e Teatrit dhe Bibliotekës së Tetovës janë hapur në nëntor të vitit 2014, ndërsa komplet projekti kushton 13 milion euro dhe pritet të përfundojë në vitin 2017.
LEXO: Ku mbetën punimet për Teatrin dhe Bibliotekën e Tetovës?
LEXO: Ende nuk kanë nisur ndërtimet për Teatrin dhe Bibliotekën e Tetovës
LEXO: Tetovë, kioskat ende mbajnë peng punimet!