Koncert i muzikës klasike dhe xhazit në OBM
Orkestri simfonik dhe xhaz bendi pranë Kolexhit Gustavus Adolfus nga SHBAja, në bashkëpunim me Universitet Amerikan Kolexh Skopje (UAKS) sonte organizojnë koncert të muzikës klasike dhe xhazit në Operën dhe Baletin e Maqedonisë.
Paraqitja do të jetë pjesë nga turneu i orkestrit simfonik me titull “American Celebration of Music in Greece and Macedonia”. Publiku nga Maqedonia do të marrë pjesë në paraqitjen e 150 profesionistëve të rinj dhe studentëve të talentuar të fakulteteve të ndryshme pranë Kolexhit Gustavus Adolfus.