Pacolli i kthehet lobimit, thotë se do ta sigurojë Notën Verbale nga Uganda

Lideri i AKR’së, Behgjet Pacolli i është kthyer punës së tij të kahershme – lobimit për njohjet e reja për Kosovën. Kësaj radhe, Pacolli ka nisur një aktivitet lobues për të siguruar notën verbale për njohje nga Uganda.
Pavarësisht kësaj, Pacolli gjatë vizitës në këtë shtet, ka thënë se Uganda do ta përkrahë Kosovën në integrime ndërkombëtare.

Mbrëmë udhëtova për në Uganda. Arrita në orët e hershme në Kampala, kryeqytetin e Ugandës, dhe menjëherë udhëtova për në vendin e takimit me Presidentin Moseveni, disa qindra km nga Kampalla.

Në një takim të gjatë dhe miqësor, diskutuam për hapat e mëtutejshëm në mënyrë që ky shtet të perfeksionojë formalisht njohjën e Kosovës. Gjegjësisht Ministria e Punëve të Jashtme të këtij shteti ta dërgojë notën e premtuar verbale për njohjën e Republikës së Kosovës.

Një është e sigurt, se Uganda do ta mbështesë integrimin ndërkombëtar të Kosovës.

Diskutuam edhe strategjinë për qasje të përbashkët të Ugandës për Angolën, Afrikën e Jugut dhe Etiopinë ku Presidenti Moseveni gëzon respekt të veçantë. Po ashtu, kemi rënë dakord për një takim të ardhshëm pas Zgjedhjeve Presidenciale të muajit shkurt.

Lajme të ngjashme

Leave a Reply

Your email address will not be published. Required fields are marked *

Back to top button