Një i mitur është rrahur në qendër të Shkupit

Edhe një i mitur në Shkup, mbrëmë është sulmuar në mes të rrugës në qendrën e qytetit, njofton MPB.

14 vjeçari është rrahur rreth orës 17:30 në rrugën Filipi i Dytë Maqedonas, në qendër të qytetit, nga disa persona të panjohur. 

Djali ka përfunduar me disa lëndime në fytyrë dhe trup.

Dhunën e ushtruar ndaj të miturit e ka paraqitur babai i tij G.A 39 vjeç.

Policia po kërkon personat që ushtruan dhunë ndaj të miturit.