Vjedhje në Gostivar, nga dy shtëpi, hajnat largohen me një trofe prej 23 mijë eurosh

Dy persona të panjohur mbrëmë kanë thyer shtëpinë e H.R. (43), në fshatin Toplica, me ç’rast kanë vjedhur ari dhe para duke shkaktuar kështu dëm mbi dhjetë mijë euro.

Sipas policisë së Tetovës, hajdutët në shtëpi janë future nga një dritare e podrumit, dhe pastaj kanë bastisur gjithë shtëpinë.

Në dhomën e fjetjes ata kanë gjetur një valixhe me ari dhe para më vlerë prej dy mijë euro. Ekipi i policisë ka kryer procedurat dhe tani është në kërkim të hajdutëve.

Vjedhje e arit po ashtu është paraqitur edhe në fshatin e afërm Dobri Doll. Rastin e dytë e ka paraqitur D.R. (25), djali i pronarit të shtëpisë.

Hajdutët ne ndihmën e shkallëve të aluminit kanë arritur që të arrijnë në dritaren e katit të dytë të kësaj shtëpie dhe me pas kanë gjetur një xhup të mashkullit në të cilin ka pasur ari me vlerë prej dy mijë euro.