Zonat industriale si kërpudha para zgjedhjeve

Maqedonia do të fitojë edhe një zonë për zhvillim industrial për të tërhequr investime.

Kësaj radhe do të jetë lokaliteti ushtarak “Maucker” që shteti I ‘ja kishte dhënë qytetit të Ohrit. Zona të lira ekonomikë ka në Shkup, Tetovë dhe Shtip, ndërsa planifikohet hapja e shtat zonave të tjera në shtat lokacione të ndryshme.

Analisti ekonomik Sllobodan Najdovski, për Evropën e Lirë ka deklaruar se zonat e lira ekonomike po shfrytëzohen nga qeveria për marketing politik dhe jo për krijimin e vendeve të reja të punës.

“Kryesisht në periudhën parazgjedhore, qeveria paralajmëron një numër të madh të investimeve dhe pikërisht në këtë kohë paralajmërohen edhe hapja e një numri të madh të zonave të lira industrial, për këtë shkak mendoj se qeveria shfrytëzon këtë termin për marketing politik”, deklaroi Najdovski.

Drejtori ekzekutiv i konfederatës së biznesit Mile Boshkov thotë se me investimet në këto zona të lira ekonomike përmirësohet kualiteti i forcës punëtore në vend.

Sipas Boshkov, efektet do të ndjehen për një periudhë të gjatë.

“Në një çfarë mënyre gjithmonë mundet më mirë, por nga zonat e lira ekonomike që kanë filluar me punë shohim se po japin efekte pozitive”, tha Boshkov.

Qeveria për këtë vit ka paralajmëruar 20 investime të reja.