Këto gabime çojnë në humbje të punës
Në një takim pune, mesazhet që i komunikoni përmes gjuhës së trupit janë po aq të rëndësishme sa ajo që thoni.
Ja disa gabime që nuk duhet t`i bëni:
Mungesa e kontaktit me sy
Kur nuk shikoni dikë në sy, kjo mund të sinjalizojë mungesë respekti.
Qëndrimet e gabuara trupore
Qëndrimi i gabuar trupor u sinjalizon të tjerëve që ju mungon vetëbesimi dhe keni nivel të ulët të energjisë.
Shtrëngimi i dobët i dorës
Një shtrëngim dore që nuk është i qëndrueshëm, sinjalizon mungesë autoriteti. Ndërsa një shtrëngim shumë i fortë përçon sinjalin e agresivitetit të skajshëm.
Mbledhja e krahëve
Mbledhja e krahëve krijon një sens të të qenit të mbyllur dhe u tregon të tjerëve që nuk keni interes për ta ose nuk ju interesojnë mesazhet e tyre.
Vështrimi poshtë
Ndërsa shikoni poshtë ndërsa jeni duke bërë një prezantim, kjo bën që të humbë e gjithë fuqia e prezantimit dhe bën të ndiheni të dobët. Në ndërveprimet e përditshme, ky gjest mund të bëjë të ndiheni të parehatshëm.
Kthimi i trupit në drejtim të ndryshëm nga bashkëbiseduesi
Distanca e madhe fizike, animi i trupit larg nga personi me të cilin po k0munikoni, tregon që jeni të shqrtësuar, të pabesueshëm apo të painteresuar rreth subjektit.
“Ngrënja” e thonjëve ose prekja e flokëve
Kjo mund të sinjalizojë energji të tepërt, gjë që sinjalizon parehati dhe mërzitje.
Invadimi i hapësirës së të tjerëve
Kur i afroheni kolegut/koleges më shumë se 0.5 metra ose e trajtoni zyrën e tij/saj si të ishte e juaja, kjo sinjalizon mosrespekt dhe se nuk keni një kuptim të qartë të kufijve personal.
Kur i hidhni një sy orës
Kur i hidhni një vështrim orës, sado të shpejtë, ndërsa bashkëbisedoi, kjo sinjalizon mosinteresim dhe arrogancë.
Ngrysja e vetullave ose vrejtja
Ngrysja e vetullave, shpesh në mënyrë të paqëllimtë ose të pandërgjegjshme, komunikon palumturi dhe mospajtim.