Tornado në SHBA, gjashtë persona të vdekur

Një tornado e madhe kaloi nëpër veriun e Mississippit, duke dëmtuar rëndë shumë shtëpi, para se të mbërrinte në Tennessee, kanë bërë të ditur autoritetet, njofton Klas Kosova.

Nga stuhitë e fuqishme që kanë goditur pjesën jugore dhe qendrore të Shteteve të Bashkuara të Amerikës 6 persona kanë vdekur dhe dhjetëra të tjerë janë lënduar.

Tre persona janë konfirmuar të vdekur nga stuhitë në Mississippi, duke përfshirë një djalosh 7 vjeçar, dy viktima të tjera janë regjistruar në Tennessee dhe një në Arkansas, kanë njoftuar zyrtarët e agjencisë për menaxhimin e emergjencave në rajon.