Aktakuzë në Gjermani për tatuazh me shenja naziste

Prokuroria gjermane ka njoftuar sot për ngritje të një aktakuze kundër politikanit të të djathtës ekstreme, për shkak se u shfaq në pishinë me një tatuazh në shpinë që pasqyron kampin nazist të Aushficit, transmeton Koha.net.

Zëdhënësja e prokurorisë në Nojrupi Llolita Llodenkemper deklaroi se Marcel Zeh akuzohet për mosrespektim të ndalesës së shfaqjes së simboleve naziste në vende publike.

Një notues, që ishte ndodhur në pishin ë, e kishte fotografuar tatuazhin në të cilin ishte shkruar sllogani i kampit të përqendrimit në Buhenvalld “Secilit të veten”.

E gjitha ndodhi në pishinën e Oranijenburgut, në veri të Berlinit, më 21 nëntor.

Sipas raportimit të AP-së, i akuzuar është anëtari 27 vjeç i Partisë Nacionale Demokrate të të djathtës ekstreme. Nëse shpallet fajtor, mund të dënohet me pesë vjet burgim.