Ekipi shqiptar kërkon Rey Manaj
Klubi i Partizanit kërkon të sjellë pranë skuadrës, gjatë dimrit, sulmuesin shqiptar të Interit, Rey Manaj në formë huazimi. Lajmi është bërë i ditur nga gazetari Italian, Gianluca Di Marzio.
Manaj është afruar këtë sezon tek Inter dhe Roberto Mancini e ka aktivizuar në disa ndeshje, në minutat e fundit. Ai u grumbullua edhe nga Gianni De Biasi në miqësoret ndaj Kosovës dhe Gjeorgjisë.
Sipas gazetarit Italian, ka shumë pak gjasë që Manaj të pranojë të luajë në Superligën shqiptare dhe kërkesa e partizanit do të mbetet thjesht një dëshirë.