Shkup, Ademi fajëson UT-në për mungesën e ngrohjes
Fakultetet e disperzuara të Universitetit Shtetëror të Tetovës në Shkup të vendosura tek shkolla fillore “Kongresi Mansatirit”, ende përballen me mungesën e ngrohjes. Me mungesën e ngrohjes përballet edhe shkolla fillore në të njëjtin objekt, ku nxënësit ngrohen me ngrohëse rryme, të siguruara nga vetë prindërit, njofton TV SHENJA.
Ministri i Arsimit dhe Shkencës, Abdilaqim Ademi, drejton gishtin tek menaxhmenti i Universitetit. Ai thotë se USHT-ja është institucion i pavarur dhe se duhet ta sigurojnë ngrohjen me mjete vetanake.
“Jo, ai është një institucion i pavarur dhe vetë duhet të sigurojë mjetet”, tha ministri Ademi.
Ka kohë që studentët ankohen për problemin me mungesën e ngrohjes në hapësirat e universitetit, por premtimi për zgjidhje po shtyhet nga java në javë.
