Gostivar, tre persona lëndohen me thikë
Tre persona nga Gostivari janë lënduar mbrëmë në një zënkë në të cilën është përdorur thikë. Të dy kanë përfunduar në klinikat e Shkupit me prerje, ndërsa një është lënduar më lehtë.
Sipas SPB Tetovë, rreth orës 21 në rrugën “Leningradska” ka ardhur deri te përleshja fizike e më shumë të rinjve. Zënkës i ka paraprirë i një debat i shkurtër midis M.B. (23) dhe F.F. (30) nga njëra anë dhe L.J. (21) nga ana tjetër. Njëzetë e njëvjeçari me thikë, të cilën gjoja e ka nxjerrë F.F., u ka shkaktuar prerje dy të tjerëve, njërit në qafë ndërsa tjetrit në krahun e djathtë. Në rrethana të papërcaktuara edhe një person është lënduar më lehtë me siguri me shishe të thyer.
Të lënduarit janë dërguar në spitalin e Gostivarit, ndërsa më pas janë dërguar në klinikat e Shkupit dhe janë jashtë rrezikut për jetë.
I dyshuari për plagosjen e dy qytetarëve të Gostivarit është arrestuar dhe pas zbardhjes së rastit do të ballafaqohet me kallëzim përkatës, ndërsa gjatë ditës do të dalë edhe para gjykatësit me procedurë paraprake.