Klitschko konfirmon revanshin ndaj Furyt
Boksieri i famshëm ukrainas, Wladimir Klitschko do të provojë të rikthejë titullin e kampionit të botës pasi ka shfrytëzuar opsionin për ritakim me kampionin e ri Tyson Fury.
Britaniku 27-vjeçar kishte mposhtur të shtunën ukrainasin në Gjermani për të fituar titujt WBA, IBF dhe WBO, raporton BBC.
Kontrata për këtë ndeshje kishte përfshirë klauzolën e rimeçit, për të cilin do të vendoset data dhe vendi.
“Dështimi nuk është opsion”, ka thënë Klitschko 39-vjeçar, në një video të postuar në Facebook, në të cilën ka njoftuar se do ta shfrytëzojë opsionin për të provuar rikthimin e titujve.