FIFA shpall emrat e finalistëve për “Topin e Artë”
Shtëpia më e madhe e futbollit në botë, FIFA ka shpallur tre lojtarët finalistë për fitimin e ‘Topit të Artë’.
Ashtu siç pritej dyshja e ‘jashtëtokësorëve’ Lionel Messi dhe Cristiano Ronaldo janë në mesin e tre lojtarëve finalistë për fitimin e ‘Topitë të Artë’.
Ndërkohë futbollisti i tretë është braziliani Neymar i cili po kalon momentet e tij më të mira në karrierë.
FIFA gjithashtu ka shpallur finalistët edhe për kategoritë tjera, si ‘Topi i Artë’, për femra, trajneri më i mirë i vitit për meshkuj dhe femra si dhe tre finalistët për çmimin ‘Puskas’, apo ndryshe që njihet si goli më i mirë i vitit.
“Topi i Artë” për femra: Carli Lloyd, Aya Miyama dhe Celia Sasic
“Trajneri më i mirë” për meshkuj: Pep Guardiola (Bayern Munich), Luis Enrique (Barcelona) dhe Jorge Sampaoli (Kili).
“Trajneri më i mirë” për femra: Jill Ellis (SHBA), Mark Sampson (Uellsi) dhe Norio Sasaki (Japonia)
Për çmimin “Puskas”, ndryshe goli më i bukur i vitit janë nominuar: Alessandro Florenzi (Roma), Lionel Messi (Barcelona) dhe Wandell Lira(Goianesia).
