Në ekspozitën “Çmimi i Nëntorit” u shpërblyen artistët më të mirë shqiptarë
Në një ekspozitë mbarëkombëtare të artit pamor u ekspozuan veprat e 46 artistëve shqiptar nga Maqedonia, Shqipëria, Kosova dhe Presheva për tu shpërblyer më pas, artistët më të mirë të disa kategorive. Eventi u organizua nga Shoqata e artistëve figurativ në Maqedoni “Draudacum” me seli në Gostivar, me mbështetje financiare të Komunës së Gostivarit dhe Ministrisë së Kulturës.
Ekspozita tradicionale “Çmimi i Nëntorit” organizohet me rastin e ditës së flamurit për të promovuar vlerat artistike të artistëve të artit pamor në përgjithësi.
Artistët e shpërblyer me vendin e parë në kategoritë përkatëse ishin:
Çmimin e grafikës: Lulzime Osmani nga Kërçova,
Çmimin e skulpturës: Rezelinda Begaj nga Prishtina,
Çmimin e fotografisë: Saimir Amedi nga Fieri,
Çmimin e pikturës: Agron Abduli nga Tetova,
Çmimin e vizatimit: Hilmi Mehmeti nga Gostivari,
Çmimin e artit konceptual: Muhamed Veseli nga Gostivari.
Vendin e parë për Çmimin e Nëntorit e mori Agim Rudi për art konceptual, profesor për skulpturë në Prishtinë.
Juria përbëhej nga Reshat Ameti, Xhelil Rufati, Nafi Jashari, Luan Zenki dhe Bejtulla Zaimi.