Kurban Bajrami, Nishani: Mposhtje egoizmit, frenim materializmit, hapa drejt përsosjes

Besimtaret myslimane festojne sot Kurban Bajramin. Kremtimi i dites se shenuar per ta nisi në orët e para të mëngjesit, kur mijëra besimtarë myslimanë falen Namazin nën shi.
Ne Tirane, besimtaret u mblodhen ne bulevardin “Dëshmorët e Kombit” .

Në faljen e namazit kreu i komunitetit mysliman shqiptar, Selim Muça përcolli urimin e rastit.

Presidenti i vendit, Bujar Nishani ka uruar permes nje mesazhi gjithe besimtaret myslimane per festen e Kurban Bajramit.

“Mposhtja e egoizmit, të kuptuarit e efektit rrënues të mendjemadhësisë, frenimi i materializmit, arritja e vetëkontrollit gjatë udhës plot peripeci dhe plot rreziqe të Jetës, duke synuar në këtë mënyrë gjithmonë barazinë, vëllazërimin, paqen, begatinë, janë në themel të të kuptuarit të Kurban Bajramit”-shkruan Nishani.

Mesazhi i plote 

Gëzuar festën e Kurban Bajramit!
Gëzuar këtë festë që na sjell çdo herë në vëmendje gjënë më madhore të Jetës; Dashurinë e Zotit ndaj njerëzve, mëshirën e Tij të pakufishme ndaj tyre, si dhe detyrimet që rrjedhin prej kësaj Dashurie dhe asaj mëshire.

Kurban Bajrami, kjo festë e bukur myslimane, përcjell shumë mesazhe të epërme përmes një veprimi në dukje të thjeshtë, por jashtëzakonisht të dendur në thellësi;
Bërjen Kurban të diçkaje, në emër të arritjes së diçkaje tjetër më të lartë.

Akt ky, që, i përsëritur, përmban në vetvete thelbin e progresit njerëzor, hapat e njëpasnjëshëm drejt përsosjes duke sakrifikuar nga pak në çdo hap dhe në çdo rast.
Mposhtja e egoizmit, të kuptuarit e efektit rrënues të mendjemadhësisë, frenimi i materializmit, arritja e vetëkontrollit gjatë udhës plot peripeci dhe plot rreziqe të Jetës, duke synuar në këtë mënyrë gjithmonë barazinë, vëllazërimin, paqen, begatinë, janë në themel të të kuptuarit të Kurban Bajramit.

Kumti madhështor që na sjell Kurban Bajrami na bën ta festojmë çdo herë me më tepër adhurim këtë festë të shenjtë, të cilën edhe një herë ua uroj me gjithë shpirt; Gëzuar