Grubi: “Maqedonia sllavo-shqiptare” është përpjekje për shpërqendrim të opinionit

Shefi i Kabinetit të liderit të BDI-së, Ali Ahmeti, Artan Grubi pohon se për partinë “Maqedonia sllavo-shqiptare”, për të cilët disa media informuan se është vendosur në tryezë në takimin e fundit të negociatorëve me ndërmjetësin Methju Nimic, është përpjekje për shpërqëndrim të opinioni nga 
debati për propozimin “Republika e Epërme e Maqedonisë”.

“Propozimi Republika e Maqedonisë sllavo-shqiptare nuk është përmendur në mbledhjet e Ahmetit në turin diplomatik, të cilin e ndërmori nga Uashingtoni e deri në Athinë dhe konsiderojmë se derisa ky propozim nuk është vendosur në tryezë zyrtarisht nga ana e Ministrisë greke të Punëve të Jashtme ose institucionet e tjera greke, nuk duhet të shërbejë si mjet për defokusim të opinionit nga propozimi i vërtetë, i cili është vendosur nga Nimici, e ajo është Republika e Epërme e Maqedonisë”, deklaroi Grubi.

Ne jemi të bindur, thotë Grubi në deklaratën për radio Everopa e Lirë, se propozimi i mediatorit Nimic, si dhe bisedimet, nuk prekin identitetin, nuk prekin gjuhën dhe ka hapësirë që të ulet mes dy palëve dhe të bisedohet për një kompromis.