Ambasadori Donald Lu: “Mos blini makina te shtrenjta”
Duke folur para te zgjedhurve vendore ne nje konference ne Tirane, ambasadori amerikan, Donald Lu, iu drejtua zyrtareve lokale duke u kerkuar qe te perdorin fondet ne sherbim te qytetareve te tyre.
Ambasadori amerikan nuk u ka marre shume kohe te zgjedhurve vendore dhe politikaneve shqiptare qe kane mbetur jo pak te çuditur kur ju ka kerkuar ne menyre te drejtperdrejte te perdorin parate e qytetareve me mençuri.
“Te nderuar kryebashkiake, nese keni ardhur ketu me Mercedes, BMW apo Audi te zinj, duhet te mendoni nese kjo eshte menyra qe votuesit duan te perdorni parate e tyre. Nese zyra juaj eshte me e kendshme sesa dyqani i bukes apo zyra e postes ne zonen tuaj, serish duhet te mendoni nese mund te perdoreshin me mire keto para per ndertimin e shkollave”, tha ambasadori Lu.
Ne mesin e debateve per blerjen e makinave te reja shteterore, diplomati amerikan ne Tirane ka sjelle shembullin e shmangies se shpenzimeve te teperta.
“E vleresoj kryetarin e Bashkise se Tiranes qe ka qene kryetari i pare qe refuzoi Mercedesin e zi te bashkise dhe ne vend mori me qira nje Ford Fiesta te vogel ngjyre gri”, nenvizoi Lu.
Qeveria amerikane, qe ka dhene per qeverisjen vendore 12.8 milione dollare, i kerkoi qeverise se Tiranes te provoje se reforma territoriale nuk u be per te fituar zgjedhjet, por per te rritur sherbimet ndaj qytetareve.
“Tani qeveria ka mundesine te vertetoje kete”, tha kryediplomati amerikan ne Tirane.
Ambasadori amerikan i kerkoi qeverise te investoje ne menyre te drejtperdrejte tek pushteti vendor, pasi Fondi Rajonal i Zhvillimit, tha ai, le dyshimin e perdorimit te fondeve per njesite vendore te PS-se apo LSI-se.
