Ka filluar festivali “Mbrëmjet folklorike të Çarshisë”
Në Çarshinë e vjetër të Shkupit sot filloi Festivali tradicional i gjashtë me radhë “Mbrëmjet folklorike të Çarshisë” i organizuar nga ansambli i këngëve dhe valleve nga Shkupi Ibe Palikuqi, njofton RMTV2.
Pjesë e festivalit janë me shumë asamble nga Maqedonia dhe Kosova.
“Tani për të 6 herë mbahet ky festival, sivjet mbahet te Sheshi Skënderbeu dhe do të marrin pjesë ansamblet, përveç Ibe Palikuqit i cili do të merr pjesë me dy grupe, do të merr pjesë Ansambli Emin Duraku, Jenijoll, Nikolla Vapcarov dhe SHKA Lilja”, tha Kemal Jahja, Kryetar i ansamblit Ibe Palikuqi.
Sipas kryetarit te ansamblit Ibe Palikuqi përveç grupeve të valleve festivalin e pasurojnë edhe orkestra Vëllezërit Curri me këngëtarët Nexhat Kumanova, Selajdin Miftari Salushi, Arshik Miftari, ndërsa nuk mungon edhe folklori shqiptarë që prezantohet nga Tahir Seferi dhe vëllezërit Llamallari.
