Shkup, pesë aksidente brenda 24 orëve të fundit

Pesë aksidente janë regjistruar në 24 orët e fundit në rajonin e Shkupit, në të cilat asnjë pjesëmarrës nuk është lënduar. Të gjitha fatkeqësitë janë me pasoja të dëmeve materiale….
Gjatë ditës së djeshme policia e komunikacionit ka sanksionuar 70 këmbësorë të cilët kanë bërë shkelje në baza të ndryshme, 48 shoferë të cilët kanë qarkulluar me shpejtësi më të madhe se sa që është e lejuar, tetë kanë drejtuar automjetin nën ndikim të alkoolit, pesë kanë kaluar në dritën e kuqe të semaforit, ndërsa pesë shoferë nuk u kanë dhënë përparësi për kalim këmbësorëve në vendkalimin e shënuar për këmbësorë.

Me ndihmën e automjetit special “karrotrec” janë larguar 116 automjete të cilat e kanë penguar zhvillimin normal të komunikacionit.

Reparti për parandalim pranë Njësisë për siguri në komunikacionin rrugor pranë SPB-së Shkup sot do të mbajë punëtori edukative në Shkollën fillore “Gjorgjija Pulevski” e cila gjendet në territorin e komunës Aerodrom me nxënësit e klasës së dytë dhe të katërt.

Për sot nuk janë paralajmëruar ngjarje të jashtëzakonshme me çka pritet komunikacioni të zhvillohet rrjedhshëm dhe sipas rregullores ekzistuese të komunikacionit, njofton MIA.