“Prokurori special”, Zaev: Vendimi në interes të qytetarëve
“Prokurori do të ketë një mandat prej katër viteve me të drejtë të rizgjidhet. Mendoj se pavarësia në punën e tij është e garantuar. Bëhet fjalë për një prokurore e cila nuk ka kurrfarë ngjyrimesh politike. Besoj se janë plotësuar të gjitha kushtet për një fillim të mirë të procesit gjyqësor që në fund të kemi një vendim të mirë i cili do të ishte në interes të qytetarëve të Maqedonisë“, ka deklaruar për Radion Evropa e Lirë, kreu i LSDM-së, Zoran Zaev, në lidhje me zgjedhjen e prokurorit special.
Sipas Zaev, zgjidhja ligjore garanton autonomi të plotë për prokuroren speciale, Katica Janeva.
Marrëveshja mes partive politike është arritur rreth orës pesë të mëngjesit të sotëm.